Adolygiad
Ailgylchu: C2 Radio Cymru
Yn
ymuno â Daf Du y noson honno oedd Deian
ap Rhisiart ac Al Trwmp.
DD:
Be oedd dy argraff gyffredinol di ar yr albym
yma Deian?
DaR:
Mae 'na ambell i drac da, ond mae 'na ambell
i drac cachu.
DD:
Reit
DaR:
www... dwe wedi rhegi - dydi rhegi ddim yn fawr
iawn nac ydi!?
DD:
Wel, paid a gwneud dim byd gwaeth cofia. Felly,
be amdana ti Al, dy argraffiadau cyffredinol
di?
AT:
Pryd ddoth y CD drwy'r post, nes i decide-io,
reit - dwi jysd am ei roi o fewn, dwi ddim yn
mynd i ddarllen dim byd - a jysd gwrando, a
es i dipyn bach yn conffiwsd.
DD:
Dydy huna ddim yn cymryd lot nadi?
AT:
Na - dydio'm yn anodd rili! Ond, do ni ddim
yn siwr iawn os o'n i wedi cael y CD cywir,
achos oni'n disgwl 8 can ffresh gen yr hogia
- lot o ganu, caneuon newydd - achos dwi yn
licio Brigyn, dwi yn. A mi roes i'r CD i mewn,
a wedyn ... "O... A'i Brigyn ydi rhein?
... Be sy'n mynd ymlaen?" So wedyn nes
i ddarllen y llythyr neis ges i, a wedyn nes
i ddod i ddallt mai remixes oedda nhw.
DD:
Ia, hynny yw, mae Ynyr ac Eurig wedi gofyn i
artistiaid electronica cymru - pobl fel Llwybr
Llaethog, Pappy, Jakokoyak, Evils, Drone a Recordiau
Safon Uchel i ailgymysgu eu traciau nhw. Felly,
ydio'n gweithio?
AT:
Dwi'n meddwl fod o'n gweithio os ti'n licio
y pethau electronic rili. Os ti ddim yn licio
electronica, ac yn ffan o Brigyn - wrach ti
fel, "O..." A literally, mae o yn
fater o ti'n gwrando arno fo, a ti'n meddwl
wrth dy hun, wel, "ai Brigyn sydd wedi
gwneud hon?"
DD:
Ia, hynny ydi - mae 'na elfennau o electronica
i gerddoriaeth Brigyn, ond mae hwn dipyn caletach
DaR:
O yndi! Mae o'n hardcore hollol. Ti'n teimlo
weithia fod nhw jysd yn ffidlan efo botwms a'r
sampler a mynd ymlaen fel mae nhw isio - a fod
na ddim math o ddilyniant idda fo.
DD:
Does 'na ddim ffocws ella nag oes. Hynny ydi,
mae rhywun hefyd yn cael y teimlad mai arbrawf
ydi o, achos yn sicr pan wnaeth Brigyn ryddhau
eu stwff dwytha, sef Buta Efo'r Maffia - y stwff
gorau mae nhw erioed wedi ei wneud yn fy marn
i - Ond wedyn efo hwn, mae nhw ond yn gwneud
500 o gopiau - nifer cyfyngedig, ac mae nhw
wedi eu rhifo'n unigol â llaw, ac mae
o mewn pecyn arbennig - felly rhyw fath o arbrawf
ydi o ynde.
AT:
Ia. Un peth allwn ni ddeud am yr hogia ydi eu
dychymyg nhw - yn enwedig efo cloriau a ryw
betha felly. Mae'n obvious fod nhw'n ofnadwy
o artistic a mae hyn yn rhywbeth ffresh. Dwi'm
yn meddwl fysa 'na lot o bobl eraill wedi decide-io
gwneud rhywbeth wedi ei wneud allan o rywbeth
wedi ei ailgylchu yn complete - gwneud 500,
a dyna ni. Mae 'na lot o ddychymyg idda fo.
DaR:
mae o'n dda i Brigyn ei hun, achos mae o'n dangos
statws nhw - fod pobl blaenllaw fel Llwybr Llaethog
wedi gwneud remix o'u caneuon nhw.
DD:
mae'n rhoi hygrydedd iddyn nhw fel band yntydi.
Mae LL-LL wedi gwneud cwpl ohonyn nhw, Jakokoyak
hefyd. Oes 'na wahaniaeth - hynny ydi, yn dibynnu
ar pwy sydd wedi ailgymysgu nhw - oes 'na rhei
sy'n well na'i gilydd?
DaR:
Oes. Mae'r un Evils 'na yn evil - yn wael. Sori
pwy bynnag ydi Evil. Mae o fatha fod rhywun
wedi bod yn chwarae efo synth Yamaha, a dal
i feddwl yn yr 80au. Dipyn bach o John Grindell
gwael fyswn i'n deud.
DD:
Efallai mai John Grindell ydi Evils? Mae 'na
rhywfath o ... dwi'm yn siwr os oes yna sîn,
ond mae 'na sawl artist electroneg wedi dod
trwadd wrth feddwl am Jakokoyak, Yucutan a Clinigol
sy'n gwneud y math yma o beth felly. Doedd hyn
ddim yn digwydd ychydig o flynyddoedd yn ôl
yng Nghymru.
AT:
Na - mae o yn rywbeth newydd. Mae o'n rywbeth
ffresh - ond ella rhywbeth mae rhywun angen
dod i arfer mwy i - a'i werthfawrogi.
DD:
Ac ella fod angen cynulleidfa. Dydy cynulleidfa
Cymru ddim cweit yn barod am y math yma o beth
eto.
AT:
Fyswn i ddim yn deud bo fi ddim yn licio fo,
mae o'n fath o fiwsig fyswn i'n gallu rhoi ymlaen
yn y background.
DD:
Oes 'na unrhyw gân yn uchafbwynt? Unrhyw
un yn sefyll allan i chdi Al?
AT:
"Ofn" yn bersonol. Oni'n meddwl fod
honna'n drac da iawn.
DaR:
Ma honna'n dda - a dwi'n meddwl fod Llwybr Llaethog
yn cyfuno mwy 'na Electronica ar honna, ma 'na
ddipyn bach o sampls mellt a tharannau a ballu.
DD:
Mae o dipyn bach fel Eminem ar y dechrau yndydi
- fel 'Stan', efo'r swn go iawn, fel bo ti'n
disgwyl i'r glaw ddisgyn.
DaR:
Ma hwnna'n cyfuno pob dim felly.
DD:
Ond, mae'n wir deud hefyd fod honna'n debyg
iawn i'r gân wreiddiol, sydd falle yn
dangos pa mor gryf ydi caneuon Brigyn ar ben
eu hun - ond pan ma rhywun yn dechrau cymysgu
nhw, falle dyda ni ddim yn licio nhw gymaint!
A efo rhei ohonyn nhw, 'da chi prin yn gwybod
pa gân ydi hi.
DaR:
Ailadroddus ydi rhai ohonyn nhw
DD:
Wrth wrando, er enghraifft, ar 'Matchstick Man'
- da ni'n gwybod mai 'Y Sgwar' ydi hon o'r lyrics,
ond heblaw am hynny, dydio ddim yn debyg iawn
i'r trac wreiddiol.
AT:
Fel, ddaru fi orfod ofyn i chdi cynt, cyn i
ni ddod ar yr awyr - Do ni ddim yn siwr pwy
oedd yn chwarae be, ac ai cân Jakokoyak
wedi ei ficsio gen Brigyn oedd o, 'ta ffordd
arall rownd. Oni dipyn bach yn conffiwsd wrach
efo un neu ddau o ganeuon, a be oedd yn mynd
ymlaen.
DD:
Be am farciau allan o ddeg?
DaR:
Dwi ddim yn foi electronic, felly geith nhw
saethu fi lawr achos bo fi'n hollol anwybodus.
Ond ... 4 allan o 10. Ambell i drac da, ond
ambell i un uffernol o wael.
DD:
OK. Ac eto, mae'n rhaid pwysleisio - os nad
wyt ti'n ffan o electronica, efallai dydio ddim
yn mynd i apelio.
DaR:
Fel ma rhei pobl ddim yn licio Rap, a rhei yn.
DD:
Yn union. A be amdana ti Al?
AT:
Eto, yr un peth - ti'n gorfod licio electroneg
i rhoi marc uffernol o uchel, ond eto, mae 'na
ambell i beth yn dod allan o'r albym dwi'n meddwl
wrth fy hun - "Neis. Dwi'n licio. Potensial",
felly dwi am rhoi 5/10.
«
nôl i 'adolygiadau'
|